Árin sem enginn man

Við munum ekki eftir fyrstu mánuðunum í lífi okkar, jafnvel ekki fyrstu tveimur til þremur árunum. Þó hafa rannsóknir í taugavísindum og athuganir á sálarlífi fullorðinna leitt æ betur í ljós að einmitt þessir mánuðir og ár hafa varanleg áhrif á allt líf okkar þaðan í frá. Þá er heilinn í örustum vexti og galopinn fyrir áhrifum umhverfisins, öll reynsla ungbarnsins hefur bein áhrif á sjálfsmynd þess og samband við aðra. Alúð og örvandi umönnun er endurgoldin með ótrúlegum þroska. Samskipti okkar við annað fólk og reynsla síðar á ævinni skiptir líka máli en ekkert jafnast á við fyrstu tengslin því þau veita mikilvæga undirstöðu undir allt lífið framundan. Árin sem enginn man er brýn bók fyrir foreldra ungra barna og alla þá sem annast lítil börn. Skoða má nánari lýsingu á bókinni hér

   

 

 

 

 

 

 

 

                                                                      

Black Tei, Borgarleikhúsinu PDF Print

27.08.10 

Fimmtudaginn 3. sept. og 4. sept.  kl. 20, verður sýning á vegum LÓKAL, alþjóðaleg leiklistahátíð í Reykjavík sem fjallar um ættleiðingar, sjá lýsingu hér að neðan. Hægt er að panta miða á: This e-mail address is being protected from spambots, you need JavaScript enabled to view it og í síma: 898 3412.

Hún hafði ekkert í höndunum til að byrja með, annað en þær dularfullu upplýsingar sem ættleiðingarstofan veitti henni og voru svohljóðandi: „Þú fannst í Suður Kóreu árið 1977, í pappakassa og vafin inn í dagblöð.“ En Miriam Yung Min Stein ákvað að hrækja í lítið tilraunaglas frá fyrirtækinu 23andMe, taka stroku innan úr munnholinu með „genom-collector“ frá fyrirtækinu DeCODEme og bíða niðurstöðu úr genaprófum beggja aðila. Annað fyrirtækjanna birtir niðurstöðurnar á heimasíðu sinni undir yfirskriftinni „welcome to you“. „Uppdráttur“ líkamans, getur hann verið ævisaga manns? Hvernig segir maður sögu sína, ef hún hefst ekki fyrr en á þýskum flugvelli, líkt og í tilviki Miriam Stein?
Lesa meira...
 
Fréttabréf FÆB PDF Print

10.06.2010

Hér má finna fréttabréf FÆB á PDF formi. Í fréttabréfinu er farið yfir það helsta sem hefur verið á döfinni í vetur og þau verkefni sem m.a. eru framundan.

Stjórn FÆB óskar þess að þið eigið sólríkt og gleðilegt sumar.

 
Bókin “The Connected Child” á íslensku PDF Print

10.06.2010 

Foreldrafélag ættleiddra barna hefur eignast íslenskan útgáfurétt að bókinni „The Connected Child“ eftir Karyn B. Purvis, David R. Cross og Wendy Lyons Sunshine. Gerður hefur verið  samningur við Sigrúnu Maríu Kristinsdóttur, blaðamann, um þýðingu hennar. Bókin er mörgum kjörforeldrum að góðu kunn  og í henni koma fram  margar góðar og gagnlegar leiðbeiningar til foreldra og annarra sem vinna með ættleiddum börnum. Bókin er fallega skrifuð og skýrir út og leiðbeinir foreldrum og kennurum hegðun og hegðunarmynstur barna.

Bókin hefur aðeins verið aðgengileg á ensku hingað til, svo það er mikið fagnaðarefni fyrir íslenska foreldra að geta nálgast bókina á íslensku. Áætlað er að bókin komi út haustið 2011.

 
More Articles...
« ByrjunFyrri12345678910NæstaEndi »

Page 1 of 38

© 2003 - 2010 Ættleiðing.is   

 

Áhugavert á vefnum

Skólinn
Grein um skólabyrjun ættleiddra barna. Hvernig uppruni og afleiðingar hans geta haft áhrifi á skólagönguna? Hvað geta foreldrar gert til að hjálpa börnum að byrja í skóla?

Heimkoman
Grein eftir Birnu Blöndal um hvernig best er að nýta tímann með barninu eftir að heim er komið með það. Birna er fjögurra barna móðir og eru þrjú börn hennar ættleidd.

Könnun

Greiðir stéttarfélag þitt styrk vegna ættleiðingar?